حيل المخزون: ازاي العد المركز بيوفر وقت وفلوس 

 دايمًا بنقول لاولادنا إننا بنحبهم كلهم زي بعض، بس الحقيقة إننا دايمًا عندنا طفل مفضل – اللي ممكن نسهر معاه نساعده في مشروع العلوم أو نشجعه في مسرحية المدرسة. بصراحة، نفس الكلام بينطبق على إدارة المخزون في المحلات. 

أكيد كل المخزون مهم، لكن مش كل صنف يستاهل نفس الاهتمام. وده مش غلط – في الحقيقة ده شغل إدارة مخزون ذكي. تعالوا نتكلم ازاي ممكن تطبق نفس مبدأ “الطفل المفضل” في عد المخزون عشان توفر وقت، فلوس، وتقلل الصداع. 

 

خرافة العد الكامل: ليه عد كل حاجة كل مرة مضيعة للوقت 

تخيل إنك تقضي ساعات في عد كل صنف في المخزن – سواء كان من المنتجات اللي بتتباع بسرعة أو المنتجات اللي مرمية على الرف من 6 شهور. ده زي محاولة إنك تربي كل صنف في المخزن بنفس الطريقة. مش اذكي حاجة، مش كده؟ 

.المفاجأة هنا: حوالي ٥-١٠٪  بس من الأصناف هي اللي بتسبب ٨٠٪ مشاكل المخزون. ومع ذلك، معظم التجار لسه بيعملوا جرد كامل، اللي بياخد وقت وموارد كان ممكن تتصرف في حاجات تانية أهم 

.هنا بييجي دور العد المركز – طريقة بتخليك تركز اهتمامك (وفلوسك) على الأصناف اللي فعلاً بتفرق 

 

العد المركز: عامل أهم الأصناف زي ابنك المفضل 

.زي ما ابنك المفضل بيحتاج اهتمام أكتر، في أصناف معينة في المخزون محتاجة متابعة أدق من غيرها. العد المركز بيديك الفرصة تركز على الأصناف اللي ممكن تعمل مشاكل لو سبتها من غير متابعة 

إزاي تعرف الأصناف “المفضلة” دي؟ 

.الأصناف الأكثر مبيعًا: المنتجات اللي بتتحرك بسرعة واللي بتحقق جزء كبير من إيراداتك. نفادها معناه خسارة في الأرباح –

.الأصناف اللي بتظهر فيها فروق باستمرار: المنتجات اللي دايمًا بتلاقي فرق بين عددها الحقيقي في المخزن وعددها في النظام. دول المشاغبين اللي لازم تراقبهم كويس –

.الأصناف المعرضة للسرقة: المنتجات اللي ممكن تختفي بسهولة سواء عن طريق سرقة أو سوء إدارة. لازم تركز عليها أكتر –

.البضاعة غالية الثمن: المنتجات اللي ممكن تأثر على أرباحك بشكل كبير لو حصل فيها خطأ أو فقدت – زي المنتجات الفاخرة أو الإلكترونيات –

 

الفوائد: ليه الاهتمام بالصنف المفضل فكرة ذكية؟ 

: لما تطبق العد المركز بشكل استراتيجي هيساعدك في

.توفير وقت وفلوس: لما تركز بس على الأصناف اللي محتاجة اهتمام، هتوفر 50-70% من وقت وعدد مرات العد اللي بتقوم بيها مقارنة بالجرد الكامل –

.تقليل الإزعاج: العد المركز ممكن يتم خلال ساعات العمل العادية، بدون حاجة لقفل المحل أو ضغط على الموظفين في أوقات إضافية –

.اكتشاف المشاكل بدري: العد المتكرر للأصناف المهمة بيساعدك تكتشف المشاكل قبل ما تتفاقم، وده بيساعدك تتجنب نفاد المخزون أو زيادة الطلب على المخزون من غير داعي –

.تحسين مستويات المخزون: الدقة العالية في العد معناها إنه مش هتحتاج تصرف فلوس زيادة على طلبات طارئة أو مخزون زايد –

 

صوابعك مش زي بعضيها: خصص العد المركز لكل فرع 

.زي ما حضرتك عارف، اللي بيحصل في فرعك في مول الإمارات مش زي اللي بيحصل في فرعك في مردف سيتي سنتر. كل فرع له تحدياته الخاصة، سواء في السرقة أو حركة المبيعات أو حتى في نوعية الزبائن 

عشان كده، العد المركز بيسمحلك إنك تعدل استراتيجيتك لكل فرع. في فرع ممكن يكون عنده مشكلة في المنتجات المعرضة للسرقة، وفي فرع تاني ممكن يحتاج يركز على المنتجات السريعة الحركة. التعامل مع كل فرع كحالة منفصلة بيساعدك تحقق كفاءة أعلى في كل الفروع 

 

التكنولوجيا هي صاحبك المخلص 

.بينما إيلون ماسك مشغول بعربيات ذاتية القيادة وصواريخ بتتستخدم تاني، إحنا شغالين على حاجة أقرب لمتطلباتك اليومية – أداة دارت ڤيدر بتاعتنا 

:فكر في دارت ڤيدر كالعقل اللي بيحرك العد الدوري و المركز بتاعك. بيساعدك في 

.تحديد الأصناف عالية المخاطر: من خلال تحليل بيانات المبيعات، تاريخ الفروق، وأنماط السرقة، دارت ڤيدر بيقدر يعرف الأصناف اللي محتاجة متابعة أكتر –

.متابعة التقدم في الوقت الحقيقي: تقدر تشوف حالة المخزون وعدد الأصناف المتبقية في الوقت الفعلي، سواء كنت في المحل، المكتب، أو حتى على البحر. مع دارت ڤيدر، كل حاجة تحت سيطرتك –

.إدارة فريقك بذكاء: دارت ڤيدر بيساعدك تخطط عمليات العد بشكل أفضل، توزع المهام على فريقك، وتراقب النتائج بدون الحاجة لمتابعة التفاصيل الدقيقة –

 

تطبيق العد المركز: ازاي تبدأ 

:جاهز تحط العد المركز موضع التنفيذ؟ إليك ازاي تقدر تبدأ وتستفيد أقصى استفادة من إدارة المخزون بتاعتك 

استفد من بياناتك: ابدأ بدراسة تقارير المبيعات والمخزون بتاعتك. حدد أهم 20% من الأصناف اللي بتحقق 80% من إيراداتك، ودور على أنماط الفروق. استخدم البيانات دي عشان تحدد المنتجات اللي محتاجة اهتمامك أكتر. 

رتب الأولويات باستخدام نظام التصنيف أ،أ / ب،ب / ج،ج: النظام ده بيسمحلك تصنف الأصناف بتاعتك على أساس عاملين مهمين – الكمية والقيمة. 

.الحرف الأول: ده بيمثل المخاطرة على أساس الكمية. بيتعلق بمدى تكرار ظهور فروق أو عجز في الصنف. كل ما الفروق زادت، كل ما قرب من حرف “أ” (أ للمخاطر العالية، ب للمخاطر المتوسطة، ج للمخاطر المنخفضة)

الحرف الثاني: ده بيمثل قيمة الصنف. المنتجات عالية التكلفة أو الفاخرة (زي الإلكترونيات أو السلع الفاخرة) بتاخد “أ”، بينما المنتجات منخفضة القيمة (زي البضائع منخفضة التكلفة سريعة الحركة) بتاخد “ج 

يعني، صنف مصنف أ،أ هيكون عالي في المخاطر والقيمة – منتج مهم جداً محتاج عد منتظم. على الجانب التاني، صنف أ،ج ممكن يكون معرض للمخاطر كتير بس قيمته أقل، يعني لسه محتاج اهتمام بس يمكن مش بنفس الإلحاح. النظام بيساعدك تستهدف مش بس اللي معرض للخطر، لكن كمان اللي يستاهل المجهود. 

:جدول العد المركز بذكاء: دلوقتي بعد ما صنفت الأصناف بتاعتك، اعمل جدول عد دوري على أساس البيانات دي 

.الأصناف أ،أ: المنتجات عالية المخاطر وعالية القيمة لازم تتعد أسبوعياً 

.الأصناف ب،ب: المنتجات متوسطة المخاطر والقيمة ممكن تتعد كل أسبوعين 

.الأصناف ج،ج: المنتجات منخفضة المخاطر والقيمة ممكن تتعد شهرياً أو كل 3 شهور 

.اضبط الجدول على حسب قدرات فريقك وعمليات المحل. الهدف إنك تعد بتكرار كافي عشان تكتشف الفروق بدري، من غير ما ترهق فريقك 

.تابع النتائج وحسن الأداء: استخدم أداة زي دارت ڤيدر لمراقبة الفروق وأنماط العجز. حلل أنهي أصناف بتظهر فيها مشاكل باستمرار واضبط تصنيفها وتكرار العد على حسب كده 

 

 

الخلاصة: عد اللي يهم 

تجار التجزئة دايمًا بيحسوا بالضغط عشان يحسنوا عملياتهم، يقللوا التكاليف، ويزودوا أرباحهم. الجرد الكامل مش بس مكلف، ده كمان بياخد وقت كبير وعملياً بقى غير مناسب. العد المركز هو الحل الذكي اللي بيساعدك تعد .فقط اللي يستاهل الاهتمام 

.افتكر دايمًا: مش محتاج تعد كل حاجة، ركز على اللي يهم بس 

 

إيه تجربتك مع عد المخزون؟ جربت تركز على أصناف معينة؟ سيب تعليق تحت وخلينا نعرف رأيك!